Ғылыми еңбектер атақ  үшін жасалып қорғалмауы керек. Талантты ғалым бар өмірін өзінің атын  шығаруға емес бір буын ұрпаққа сапалы білім  беруге арнайтындай еңбек етіп, үлкен жол қалдыруы керек.  Яғни, ғалымның білгені  іс  жүзінде  шәкірттері арқылы  жалғасын  табуы керек. Олай дейтінім, сабақта  көп  берері жоқ  атағынан ат үркетіндей ғалымдардың алдын көргенім.  Жаңалық  пен  жақсылық  жолындағы ізгі мұратқа иек арта алмайтын  кез-келген  ғылыми  атақ  кері қайтарылып алынуы керек. Ғылымды  атақтың  қанжығасынан шешіп алып аттың үстіне мінгізген абзал. Кез-келген  ғалым  ғылыми  атақ алып әлеуметтік жағдайын түзетуді мақсат етпей, қоғамды түзетіп, технологияны дамытуды мақсат етсе ғана  ғылым өркендеп, қоғам жақсарады.  

ӘЛ-ФАРАБИ, ИБН-СИНА, ҰЛЫҚБЕКТЕР ҰЛЫ АТАҚТАРДЫ ИЕЛЕНБЕЙ-АҚ АРТЫНА ҰЛЫ МҰРА ҚАЛДЫРЫП, ТАРИХТА ҰЛЫ БОЛЫП ҚАЛДЫ ЕМЕС ПЕ?